關於SMCI （超微電腦），其實呢間公司簡單黎講可以話同富士康無分別，甚至比富士康更low tech。原因係佢只係提供一套伺服器機組，幫D客簡單地裝好Nvidia D晶片，唔洗自己搞。

       可以比喻就係，一個日本刺身廚師有一套好貴好鋒利嘅刀，Nvidia係套刀，而SMCI只係廚房插住把刀個座。套刀嘅技術要求好高，要用不銹鋼、要日日打磨、保養之類。但個刀座好簡單，你hold得住把刀就得。咁你會斟酌把刀係邊個牌子邊個師傅做出黎，但個刀座純粹就係hold住把刀，就算用拼多多或者淘寶貨其實無傷大雅。

       OK，SMCI係Nvidia其中一個大客呢個係事實，無野值得爭論，但SMCI比人攻擊做假數，延遲發布業績，係不會對Nvidia造成影響。因為SMCI唔做，Dell、Lenovo、Broadcom 後面一大堆廠爭住做。呢個都係點解SMCI得低雙位數字毛利率嘅主要原因。只有佢對Nvidia有依賴，Nvidia不會依賴SMCI。

       再講深一層，而究竟嚴格上講，SMCI係唔係Nvidia個客？定係其實Microsoft、Amazon、Tesla等等AI大戶透過SMCI購買Nvidia晶片，SMCI純粹提供伺服器同代購服務，相對Value added不多？SMCI梁見後都係因為身份係一個台客，所以先因為同鄉而攞到Nvidia專屬AI伺服器supplier呢個身份。

       最近看到唔少人講，SMCI延遲發佈10K年報，加上遭到狙擊機構狙擊其關聯交易可能涉及財務造假，會影響Nvidia。話完全0影響就難少少，但實際影響應該非常低。之前錯過半導體狂潮不可怕，錯過就是錯過了。但實在不必自我催眠，吃不到葡萄說葡萄酸。

《南華金融集團研究部副總監　莫灝楠》

免責聲明: 投資涉及風險，證券、期貨及期權價格可升可跌。投資者或會損失其全部投入的資金，投資前請先向專業顧問尋求意見。南華金融控股有限公司，其母公司、控股公司、子公司及聯營公司及其服務提供者會盡力確保所提供的資料為準確及可靠的，但並不聲明或擔保其準確性及可靠性，因此並不因任何錯漏而承擔任何責任或任何損失。此處所發表的資料或意見並非、亦並不是意圖構成要約或索求買賣或另行作出於此提及的股份、股票或其他證券的交易。網上證券交易平台由南華證券投資有限公司(證監會中央編號AAA874) 提供服務。