香港股市今日跌超過500點，擺明有人故意躓低個市，認真唔畀面。筆者認為，今日個市跌得完全無譜。雖然現在屬於政治市，香港好難捱，亦好難估，但外資過去入咗唔少科技股，現在要掟出嚟，香港就要齊心協力頂住，免得任人予取予攜，任人魚肉。

香港股市淪落，擺明美國佬搞局，明蝦你香港。香港各界必需要撐返自己，尤其一些上市企業應該在這個時候回購或增持，做返啲嘢，咪眼光光，令人心慌慌，要表現出對國家、對香港的未來發展投下信心一票。筆者一直建議金融管理局善用去年投資所得利潤投資港股，作為對香港未來發展的信心表現。其實以目前港股的股價低迷，已經屬超賣，只要金管局願意付出四兩，足以撩撥千斤，推動港股上升，甚至提振投資者的信心，最終亦可以贏錢帶來更多利潤，正是一雞幾味，所費無幾。

依家個市肯定係超賣，若是過去一定有本地上市公司會buy back或增持，但今時今日就非常奇怪，只見少數大型企業出嚟增持回購，睇住自家股票畀人質低都唔還手，真係百思不得其解！