从前学校里面有一班几十个学生，正常逻辑去谂，你唔会走去赌包尾嗰几个学生下个学期有机会考第一，梗系博考前五嗰几个继续考得好啦，玩咩。

　　依家唔系买马仔，买冷马赔率系会好啲，但你买冷股票赔率唔会啰。

　　特别系香港，趋势差就讲咩基本面都无乜用，市场唔认同就系唔认同，趋势继续差我就继续沽。即使股价贵到飞天，你有trend上，有catalyst（呢个好重要），咪继续坐上去，有risk control，有止损，输唔死人。

　　估值系有用，但只能辅助，有catalyst，几高估值都可以有更高预期。

 　   依家市面上边个学生跑赢？美股啰，NVDA、AMD、MSFT、GOOG；日股啰，SONY、迅销、东京电子、任天堂；台股啰，TSM、TSM、TSM。咁边个包尾呀？ 

　　港股啰，阿里巴巴(09988)、腾讯(00700)、美团(03690)、内房、内险、港交所(00388)。 

　　不需要对基本面、政治、宏观经济有乜睇法，其实好多嘢喺图表上就已经反映晒出黎。多啲睇唔同板块、指数、外汇嘅图表，你会有更多得着。此时此刻，你仲买港股？见底先买啦，你点知跌几多？唔好话跌，如果好似大家以前睇死嘅日本咁底部横行30年，咁有意思吗？